Vijon të jetë i lartë numri i rasteve të reja dhe viktimave nga koronavirusi në vend. Nga 2657 testime të kryera gjatë 24 orëve të fundit janë konfirmuar 637 qytetarë pozitivë.
Fatkeqësisht edhe 12 qytetarë e kanë humbur betejën me virusin në orët e fundit. Ministria e Shëndetësisë raporton se mes viktimave të orëve të fundit është edhe një i moshës 29 vjeç.
Megjithë përpjekjet e mjekëve, në 24 orët e fundit nuk kanë arrtitur të fitojë betejën me sëmundjen 12 qytetarë me Sars-Cov2 pozitiv në spitalet COVID: 2 qytetarë nga Tirana, 2 qytetarë nga Fieri, 2 qytetarë nga Durrësi, 1 qytetar nga Kukësi, 1 qytetar nga Shkodra, 1 qytetar nga Elbasani, 1 qytetar nga Lushnja, 1 qytetar nga Kruja, 1 qytetar nga Berati, të moshave 29-82 vjeç.
Numri i të shtruarve në spitale ka qenë dhe vijon të jetë i qëndrueshëm. Aktualisht në 4 spitalet COVID, po trajtohen 403 pacientë, 29 në terapi intensive nga të cilët 11 pacientë janë të intubuar.