Me pankarta në duar “më në fund këmba shtet, ditën të puth, natën të vret” apo “nuk jena popull i varfër por jena popull i vjedhur”, qytetarët e Shkodrës kanë dalë sot për të protestuar.
Tubimi ka nisur në sheshin “Luigj Gurakuqi” dhe ndryshe nga java e shkuar deri më tani, nuk ka patur asnjë incident.
“Jemi për paqe, nuk kemi lidhje me dhunën”,-thonë ata për mediat lokale. Protesta ka si kërkesë dorëheqjen e drejtorit të Përgjithshëm të Policisë së Shtetit, Ardi Veliu, pas vrasjes së Klodian Rashës nga një efektiv i policisë.
