Vlash Pjetri, ish administrator i Njësisë Rrethina shprehet se as ai, as vëllezërit e tjerë nuk kanë qenë në lokal në momentin e sulmit. Po sipas tij, ata kanë qenë nëpër shtëpitë e tyre, ndërsa lokali i mbyllur.
Në një komunikim me celular për Balkanweb, Pjetri thotë se nuk i di arsyet e kësaj ngjarje, pasi asnjëri prej tyre s’ka pasur probleme me ndonjë person.
“Nuk kemi qenë brenda në lokal. Kemi qenë në shtëpitë tona dhe lokali ka qenë i mbyllur. Nuk e dimë nga ka ardhur kjo ngjarje, policia po heton,” – tha ai.
Ngjarja ndodhi mbrëmjen e sotme. Lokali në pronësi të Alfred Pjetrit, efektiv polici i forcave “Shqiponja” u sulmua me arme zjarri. Rrethanat mbeten të pqarta, ndërkohë që policia po kreh zonën për të zbuluar autorët.