Doktori Andi Koraqi ka “shuar shpresat” e të gjithë qytetarëve që kanë ngritur sytë nga vaksina anti-covid. Në një lidhje me Skype, Koraqi thotë se mutacioni i ri i Covid që po përhapet masivisht në të gjithë botën, mund të bëjë që vaksina të mos ketë efekt.
Koraqi shtoi se kjo ndodh pasi ky mutacion mund të ketë ndryshuar krejtësisht fytyrën e virusit dhe nuk do të kemi të bëjmë më me atë fillestarin, por me një të ri.
“Ka 29 ndryshime në strukturën e tij. Koronavirusi është i prirur të bëjë 2 deri në 4 viruse, ndërsa ky motacion ka kaluar pritshmëritë. Nuk ka akoma shumë informacion. Pyetja është nëse mutacioni i ri ka ndryshuar strukturën. Nëse ka ndryshuar strukturën, pra fytyrën nuk kemi më virusin e Wuhanit por një virus të ri. Nëse kemi një virus të ri atëherë do të thotë se antitrupat që janë krijuar te personat që kanë kanë kaluar Covid-19 nuk e njohin si virus. Kjo do bënte që as vaksina të mos kishte efekt,”- tha ai.