Gent Cakaj është dorëhequr nga posti i ministrit të Jashtëm dhe në vendin e tij është emëruar Olta Xhaçka.
Nisur nga kjo lëvizje, vendin e Xhaçkës te ministria e Mbrojtjes do të jetë Niko Peleshi. Lajmi është bërë i ditur nga kryeministri Edi Rama.
“Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme.
Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e mbrojtjes”, shkruan Rama.