Në Shqipëri problem serioz është lindshmëria e ulët, por një shqetësim të madh përbën edhe fakti që numri i lindjeve tek adoleshentet është rritur së tepërmi. Sipas një studimi të kryer, 4% e adoleshenteve janë bërë nëna ose janë në pritje të fëmijës së parë. Krahasuar me 9 vite më parë, ka një rritje me 1%. Sipas studiuesve, 2% e adoleshenteve kanë fëmijë, kurse më shumë se 1% janë në pritje për t’u bërë.
Sipas Institutit të Statistikave, vazhdon problemi i rënies së lindshmërisë te shqiptarët, ku numri i lindjeve për tremujorin e tretë të 2018-ës ka pësuar një rënie prej 19,7 %, krahasuar me tremujorin e tretë 2017.
Në qarkun e Gjirokastrës numri i lindjeve është më i ulti, 111 lindje, kurse më i larti regjistrohet në qarkun e Tiranës me 2.287 lindje. Rënien më të madhe të numrit të lindjeve gjatë kësaj periudhe e paraqet qarku i Vlorës me 31,3 % dhe qarku i Korçës me 28,7 %.