Gjykata e Krimeve të Rënda ka dhënë masën e sigurisë arrest me burg për gardistin Alket Arapaj që vrau bashkëshorten e tij pak ditë më parë.
Ka qenë vetë ai që ka marrë në telefon sallën operative të policisë të cilëve u tha: “Kam vrarë gruan, hajdeni më arrestoni”, ndërkohë që më herët u raportua se kanë qenë fqinjët ata që lajmëruar efektivët.
Seanca u zhvillua me dyer të mbyllura, me kërkesë të prokurorisë, për shkak të sekretit hetimor dhe mos cenimit të marrëdhënieve familjare. Mësohet se Arapaj nuk ka folur në seancë, ndërsa më herët ka shprehur pendesë për krimin e kryer.
Ngjarja e rëndë ndodhi disa ditë më parë në Allias të Tiranës, ku Alket Arapaj qëlloi me armën e shërbimit mbi bashkëshorten e tij Ervilma Seferaj. Ata janë prindër të një vajze të vogël.