Stuhia “Filomena” që goditi Spanjën tashmë ka mbërritur në Shqipëri me temperatura mjaft të ulëta. Edhe fundjava parashikohet të jetë shumë e ftohtë.
“Shqipëria është prekur së fundmi nga një ulje e ndjeshme e temperaturave. Fundjava pritet që të jetë gjithashtu me mot të ftohtë. Mëngjeset këtë fundjave pritet të karakterizohen nga temperatura të ulëta”, thuhet në njoftimin e Meteoalb.
Në zonat malore temperaturat do të jenë deri -14 gradë celcius. Nga e mërkura pritet të ketë një përmirësim, kur edhe do të nisë një dimër normal e jo me temperaturat e tanishme të ftohta.
“Temperaturat në zonat malore pritet të jenë të ulëta, deri minus 14 gradë.Nga e mërkura pritet të ketë një përmirësim, kur edhe do të nisë një dimër normal e jo me temperaturat e tanishme të ftohta. Moti i ftohtë vjen si pasojë e stuhisë Filomena, që ka goditur vendin”, thuhet më tej në parashikimin e Meteoalb.