Drejtoria e Përgjithshme e Shërbimeve të Transportit Rrugor ka publikuar në platformën e re online “Open Data DPSHTRR”, ku edhe pasqyrohen të dhënat statistikore mbi mjetet rrugore të regjistruara për herë të parë në Shqipëri në vitin 2020.
Në të dhënat e publikuara në faqen zyrtare, vihet re që gjatë vitit 2020, rezultojnë të regjistruara për herë të parë 43,661 autovetura, të kategorizuara në 68 marka të ndryshme mjetesh, por makina e preferuar nuk është ajo e markës gjermane “Mercedez Benz”.
Siç duket qartë edhe nga të dhënat, marka më e preferuar (kuptohet nga halli, pasi është më e lirë) në vitin 2020 është “Volkswagen”, me 21% të të regjistruarve, e cila më pas ndiqet nga “Benz-i” dhe makina tip “Ford”.