Në 11 Qershor të vitit të kaluar në mes të Tiranës u ekzekutua në një atentat mafioz Hekuran Billa. Por prokuroria ka gjetur disa prova të reja që shumë shpejt mund të vulosin dosjen.
Në makinën “Nissan Micra” që mori me qira Sebastian Mali u gjetën 3 fije floku nga ku janë përfituar 2 kampionë ADN, të cilët do të krahasohen me kampionët e të arrestuarve, dajë e nip..
Viktor Marku dhe nipi i tij Sebastian Mali u arrestuan pas ngjarjes, por që të dy e kanë mohuar përfshirjen. Megjithatë nëse ka përputhshmëri me provat e gjetura në makinë prokuroria do t’i “gozhdonte” përfundimisht.Adjola Lakra u përdor për të nxjerrë në pritë ish-të dënuarin, Hekuran Billa, i cili dyshohet se vra për hakmarrje, pasi ekzekutoi në Angli Prel Markun në 2006, vëllanë e të arrestuarit.