Detaje të reja dalin në dritë lidhur me incidentin e kësaj të mërkure në një shkollë jopublike në kryeqytet, ku si pasojë e rrjedhjes së gazit në sistemin ngrohës u dërguan gjashtë nxënës në spital.
Bëhet e ditur se shkolla përdorte ngrohje me gaz propan dhe kishte një depozitë gazi një mijë litroshe të mbushur plot. Sipas Nevvs 24 kjo depoiztë ishte e pacertifikuar nga Inspektorati shtetëror i Enëve me Presion.
Depozita ishte e vendosur jashtë ambienteve të shkollës, por rrjedhja ka ndodhur në valvulën që lidh depozitën me pajisjen brenda shkollës.
Aktualisht po kryhet zbrazja e depozitës nga gazi. Për shkak të thithjes së gazit 6 nxënëse të moshave të ndryshme përfunduan në spital, fatmirësisht tani janë jashtë rrezikut për jetën.