Pas largimit nga Shtëpia e Bardhë, vajza e Donald Trump, Ivanka dhe bashkëshorti i saj Jared Kushner janë zhvendosur në Florida.
Ish-këshilltarët e lartë presidencialë kanë nënshkruar një qira njëvjeçare në një godinë super luksozë në Miami para oqeanit, Arte Surfside.
Ende nuk dihet qeraja që çifti do të paguajë. Arte është një nga komplekset më të shtrenjta në lagjen Surfside, me një çmim mesatar qiraje prej afro 47 000 dollarë në muaj. Një apartament i tij iu shit për 33 milionë dollarë një zyrtari nga Neë York muajin e kaluar.
Nuk është rastësi që Ivanka dhe Jared zgjodhën ndërtesën Arte, sepse siç zbulojnë mediat e huaja, një nga zhvilluesit e saj, Alex Sapir, ka lidhje me presidentin e larguar Donald Trump.
Arte Surfside, një kompleks verbues në formë piramide me pamje nga Atlantiku, u projektua nga arkitekti italian Antonio Citterio në 2019.
Apartamentete janë të pajisura me tavanë romakë, dysheme lisi të bardha evropiane, dollapë poliformë, tavolina mermeri italiane, pajisje kuzhine dhe tarraca rreth perimetrit. Secili ka pika parkimi private të kontrolluara dhe perodrim të ashensorit me njohjen digjitale të gjurmëve të gishtave. Brenda gjendet një fushë private tenisi, pishinë e brendshme prej 75 metrash, sauna dhe dhomë me avull, zonë meditimi, palestër, dhomë ndenjie, kuzhinë dhe sallën e lojërave të fëmijëve.
