Sot u shënuan 15 raste me koronavirus në qarkun e Beratit. Infeksioni ka hyrë në thuajse të gjitha institucionet.
E ndërsa infektimet e mësuesve janë kthyer në rutinë, gazetari i ABC, Artan Diko raporton se sot janë prekur me COVID-19 mes të tjerëve një ushtarak, pjesë e Forcave të Armatosura në Kuçovë dhe një ekonomist në repartin e Poshnjes.
Rastet me COVID-19 në Berat
-1 mësuese në shkollën “Irfan Ngjeqari”
-1 mësuese në shkollën mekanike “Stiljano Bandilli”
-1 mësuese në shkollën 9-vjeçare në fshatin Veleshnje
-1 mësuese në shkollën 9-vjeçare në fshatin Vokopolë
-1 mësuese në shkollën 9-vjeçare në fshatin Çiflik
-1 nxënëse në shkollën e mesme “Muhamer Janina”
-1 nxënëse në shkollën 9-vjeçare “Sali Gjuka”
-1 shofer ambulance në spitalin e Beratit.
-1 ekonomiste në bankë
-1 specialist në administratën e Komunës Vërtop
-1 ushtarak në Forcat e Armatosura në Kuçovë
-1 ekonomist në Repartin Ushtarak në Poshnje
-1 inxhinier nga Kuçova në Ministrinë e Energjetikës dhe Transportit
-1 punonjës në Fabrikën e Miellit
-1 teknik në një servis makinash
Sot u shënuan 5 humbje jete dhe 833 raste të reja me koronavirus. Mes 5 viktimave është një vajzë 26-vjeçe.