Tire Alldervishi është lënë në burg dhe nga gjykata e Apelit. Sanitarja e cila i zhvati 8 milionë lekë vajzës së një paciente me COVID-19 është shprehur në seancë se nuk ka para dhe nuk i prish dot provat, por pretendimi i saj nuk është marrë parasysh nga trupa gjykuese.
Më herët Alldervishi përmes avokatëve të saj deklaroi se ishte me COVID dhe se duhet të lërë burgun. Skandali në spitalin COVID2 shkaktoi mjaft zemërim në opinionin publik. Ajo akuzohet për veprën penale të mashtrimit.