Ditën e sotme është bërë me dije se mjeku Pëllumb Pipero është infektuar me koronavirus edhe pse disa ditë më parë bëri vaksinë. Duke marrë si referim rastin e Piperos, mjeku epidemiolog Ilir Alimehmeti në një lidhje live për rubrikën ‘’Opinion’’ ka deklaruar se edhe në rast se një person bën dy dozat e vaksinës ndaj COVID-19, përsëri ka mundësi të infektohet.
Alimehmeti thotë se vaksina në 10-12 ditët e para nuk është në lojë, pra personi që i është injektuar mund të quhet në këto ditë i pavaksinuar.
Por sipas tij ka dhe raste të pashpjegueshme për të cilët nuk bëhet do krahasim, por ai kujton se edhe Pfizer e ka deklaruar qartë se efektiviteti i vaksinës është 94.7%, pra përqindja që ngelet ka mundësi që vaksina mos jetë efektive.
”Megjithatë 10-12 ditët e para vaksina s’është në lojë, quhemi të pavaksinuar. Edhe kur ke bërë 2 dozat me procedurë rigoroze, është mundësia e infektimit.
Nuk e njoh situatën, duke marrë parasysh që nuk gjenerojmë dot të gjeneralizojmë. Ajo që kemi nga Pfizer, është ky informacion, kemi mesatare. Bëhet nga individë të ndryshëm. Ka dhe raste të pashpjegueshme. S’mund të bëjmë dot krahasim.
Do dokumentohet shumë shpejt situata ku jemi. Ajo që është e sigurt, ësthë që vaksina prodhon përgjigje, nuk është 100%. Është diçka teknikisht e pritshme. Pra edhe total, edhe po ka bërë dy dozat siç duhet brenda 21 ditëve, Pfizer deklaron efektivitet 94.7%. Ka të infektuar edhe tek të vaksinuarit. 8 te të vaksinuarit, 162 tek të pavaksinuarit. Pra ishin rastet gjithsesi. Një dozë vetëm ofron më pak mbrojtje,
prandaj është e pranusehme që shifrat të jenë më të larta. Izraeli ka vaksinuar 47% të popullsisë, efektiviteti me një dozë është 33%.
PYETJA: A të zë virusi më lehtë vetëm nga vaksina?
Nuk është studiuar ende, shkon që të ketë klinikë më të lehtë. Por të dhënat nuk janë të sigurta. S’i ka as Pfizer, as FDA. Jemi në terren të paeksploruar.
PYETJA: E keni bërë vaksinën?
Jo ende. Nuk jam lajmëruar për ta bërë, por edhe sikur unë jam ndër ata më të rinj, pa sëmundje, e kalova në rrugë natyrale. Nuk jam prioritar. Janë mjekët ata më të vjetër, edhe që kanë ndonjë sëmundje.
Kur të vijë radha e 40-50 vjeçarëve do e bëj. Prioriteti është për personalin në krye në radhë të parë. Në moshë të madhe mbi 60 vjeç.”- tha Ilir Alimehmeti.