Kryeministri Edi Rama është shprehur se nga procesi i rindërtimit në Shqipëri janë krijuar 27 mijë vende pune.
“27 mijë vende pune të krijuara vetëm nga rindërtimi për të gjitha kompanitë shqiptare” tha ai gjatë inspektimit në Vaqarr.
Ndërkohë që ministri Ahmetaj tha se “Kompanitë kanë probleme me kapacitetet e punëtorëve dhe inxhinierëve”.
Gjatë inspektimit në kantierin e lagjes së re që po ndërtohet, kryeministri Edi Rama bëri edhe një batutë referuar përgjimeve të dala në javën e fundit nga antimafia italiane, ku lakoheshin edhe zyrtarë të lartë shqiptarë.
“Shkruante njëri në Facebook, ore gjithë këto ndërtime, kush i bën këto ndërtime, kur nuk ka punë? I bën Ndrangheta i thashë me mafien” tha Rama.