Shkrimtari dhe politikani Besnik Mustafaj është përzgjedhur si anëtar i këshillit drejtues të RTSH-së, dhe kjo zbulohet nga vendimi i marrë nga ana e Kuvendit.
Kujtojmë që Mustafaj në gusht ishte pjesë e grupit të punës së Partisë Demokratike që do të përzgjidhte kandidatët për deputetë të selisë blu.
“Besnik Mustafaj zgjidhet anëtar i Këshillit Drejtues të Radio Televizionit Shqiptar me mandat 5-vjeçar. Ky vendim hyn në fuqi menjëherë”, thuhet në dokumentin e publikuar në media.
Prej disa kohësh Mustafajn nuk e kemi parë që të jetë aktiv në ekran, dhe duket se ky post i ri që i është besuar nga mazhoranca socialiste, dhe me miratimin e Kuvendit, e ka bërë që të marrë një angazhim të ri.
Më herët politikani më pranë të djathtës ka qenë ambasador i Shqipërisë në Francë, dhe disa herë pjesë e Kuvendit si deputet, ndërsa ka refuzuar dhe postin e Minsitrit të Kulturës, gjatë qeverisjes së socialistëve.