Ministri i Mbrojtjes Niko Peleshi ndodhej në Dajç mëngjesin e kësaj të enjte ku bëri të ditur se falë koordinimit të menjëhershëm të autoriteteve u riparua një çarje e pazakontë në argjinaturë, e cila do të rrezikonte nga përmbytja banorët përreth.
“Në Dajç ku sot në mëngjes ka pasur një çarje të pazakontë të argjinaturës, e cila rrezikonte përmbytjen e banesave përreth. Koordinimi i menjëhershëm i Agjencisë Kombëtare të Mbrojtjes Civile me strukturat e tjera qendore dhe vendore ka mundësuar fillimin e punës për riparimin e argjinaturës. Në këto momente që flasim është bllokuar kalimi i ujit e po punohet për forcimin e plotë të pjesës së dëmtuar.
Sot është dita kur banorët e Shkodres duan pune jo llafe, nuk është politika ajo që ndal ujin, por puna!”, thotë Peleshi në postimin e tij në Facebook.