Ndahet nga jeta në moshën 91-vjeçare ikona e Cirkut Shqiptar Bajram Dauti. Bashkë me artistë të tjerë historikë krijuan institucionin në vitin 1952.
Institucioni u themelua bashkë me artistë si Telat Agolli, Xhuzepina Prendi, Bardhyl Jareci dhe Abdyl Karakashi në tendën pranë Bulevardit Zogu i Parë, ku ende ndodhet Cirku.
Deri pak vite më parë, në moshën 85-vjeçare, ai vijonte të stërviste gjeneratat e reja të akrobatëve, që përballeshin gjithmonë më shumë me krizën e atij institucioni gjatë transicionit.
Nga duart e tij kanë dalë me dhjetëra artistë, përfshirë vetë dy fëmijët e tij, Kozeta dhe Shpendi.
