Një ngjarje e rëndë ndodhi dje, ngjarje e cila tronditi gjithë qytetin e vogël. 25 vjecari B.H nga Lushnja, kishte pak kohë që kishte lëvizur nga Tirana për të qenë pranë familjes në Lushnjë, ku dhe kishte filluar punë te zyra e punës.
Por nuk qe e thënë të gëzohej vetë e të gëzonte familjen. Në mënyrë krejt të papritur mbrëmjen e djeshme i dha fund jetës duke u hedhur nga kati i tretë i një godine në Lushnjë.
Kishte gati 1 javë që kishte kaluar Covid-in, dukshëm me sukses për ato dy javë. Por pas mbarimit të kurës me sëmundjen, kishte disa ditë që nuk kishte dalë nga shtëpia.
Ishin shokët e vetë që e morën për një birrë, ta nxirrnin nga shtëpia për t’u gëzuar. Por një gjë e tillë rezultoi fatale për djaloshin 25-vjecar.
Ai u përcoll sot në banesën e fundit duke lënë dhimbje të madhe pas tek familja dhe miqtë e tij.