Këngëtarja Çiljeta Xhilaga feston sot ditëlindjen e saj të 36-të. Një ditëlindje që e ka gjetur në një moment shumë të vështirë, pasi pak ditë më parë humbi babain e saj nga COVID-19.
Lajmin e trishtë e dha vetë Çiljeta, që i bëri një dedikim shumë të ndjerë të atit pas ndarjes së tij nga jeta.
Megjithatë partneri i saj, Alban Hoxha, ia ka zbukuruar këtë ditë speciale me një dhuratë shumë unike. Çiljeta ka zbuluar se portieri i njohur ka blerë një yll dhe i ka vendosur emrin e partneres. Këngëtarja duket se është emocionuar shumë nga dhurata, ndaj nuk ka ngurruar ta ndajë me ndjekësit në Instagram.
“Kur të blen dashuria një yll në qiell dhe e quan Çiljeta. Faleminderit që ma mbush zemrën me kaq dashuri, dhurata më e bukur”, shkruan ajo.
Më pas ajo ka postuar foton e një kartoline, në të cilën shkruhet: “Me dashuri nga Albani”.
Kjo nuk ka qenë dhurata e vetme që ka marrë Çiljeta, sepse Albani i ka bërë edhe një shportë të mbushur me trëndafila dhe çokollata të ndryshme. Epo pas gjithë këtyre dhuratave kaq të bukura, me siguri Çiljeta duhet të ndjerë vajza më me fat në botë!
