Këtë puntatë në emisionin “Për’puthen” u transmetua takimi i parë i Ledjanës me djalin e ri konkurrent, Erin.
Megjithëse Ledjana kishte shprehur që në fillim pëlqimin e saj për Mevlanin, kishte dalë në takime me të dhe kishte shfaqur xhelozi pas hyrjes së Antonelës, ajo vendosi t’i japë një mundësi Erit.
Në fakt, takimi i saj me Erin rezultoi shumë më i ngrohtë se takimet e saj me Mevlanin.
Ledjana u ndje më e lirshme dhe bisedoi më shumë gjatë takimit, ku mori edhe një surprizë të bukur.
Eri i dhuroi asaj një arush, dhuratë e cila pasoi me një përqafim mes çiftit. Për më tepër, Eri e mbajti në krahë për ta lëvizur nga një vend në tjetrin, duke qenë se ajo kishte lënduar këmbën në palestër.
Teksa komentonin takimin në studio, Ledjana shpjegoi se ishte më e lirshme për të pasur këtë afrimitet, ndryshe nga takimet me Mevlanin, pasi këto sjellje nuk i ishin imponuar apo kërkuar, por i kishin ardhur natyrshëm.
Në takimin e javës së ardhshme, teksa po përzgjidhte njërin prej djemve, Atdheu mori mikrofonin dhe ftoi Ledjanën në një takim, pas refuzimit të tij për shkak të ‘afrimitetit’ të saj me Mevlanin.