Ëndërra shumëvjeçare e banorëve të 17 fshatrave për furnizimin me ujë të pijshëm do të bëhet realitet. Kanë nisur punimet për ndërtimin e ujësjellësit të Zallë Gjoçajve. Lajmin e shumëpritur e dha kryetari i Bashkisë Mat, Agron Malaj.
Ai pohoi se ujë cilësor i Zallit të Gjocajve do të jetë në çdo familje të fshatrave Lami Madh, Macukull, Zallë-Gjoçaj, Melth, Shqefën, Urxallë, Gjoçaj, Dukagjin, Shëlli, Barbullej, Rremull, Rukaj, Bruç, Derjan, Laç, Prell, Urakë.
“Ka nisur puna për projektin e ndërtimit të ujësjellësit për furnizimin me ujë të qytetit Burrel dhe fshatrave të tre Njësive Administrative. Ky është një premtim i kahershëm i partisë që vetëm gënjen. Me vetëm 18 muaj në drejtim të Bashkisë Mat ne do të zgjidhim këtë problematikë jetike të qytetarëve”, shkruan Malaj.
