Pika e Kalimit Kufitar te Kapshticës do të qëndrojë e mbyllur për daljet nga Shqipëria në drejtim të Greqisë deri në 22 shkurt. Autoritetet greke kanë shtyrë edhe dy javë të tjera afatin e mbylljes për shkak të shifrave të larta të infektimeve ndërsa kane lënë në fuqi të njëjtat masa shtrënguese për ata që vijnë nga Greqia ne drejtim të Shqipërisë.
Kështu, dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, vetëm për këmbësorët dhe mjetet e tonazhit të rëndë. Mjetet si autobuza, taksi apo çdo mjet tjetër i transportit të pasagjerëve, nuk do të lejohet të kalojë. Edhe pse kjo situatë zgjat prej disa muajsh dhe ka shkaktuar ndikim negativ në ekonominë lokale për biznesin dhe banorët duket se ende nuk ka një zgjidhje për situatën.