Mjeku kardiolog i QSUT-së, Edvin Prifti është pezulluar nga detyra nën akuzën e korrupsionit pasiv. Bashkë me të edhe infermierja Trëndafile Frangu.
Mësohet se emri i Priftit ka dalë në dritë gjatë hetimeve për rastin e lirimit të një të dënuari me 25 vite nga burgu i Fushë Krujës, për të cilën u arrestuan 10 persona, mes tyre dhe gjyqtarja Enkelejda Hoxha.
Teksa kryesekretarja e Gjykatës së Krujës Manuela Mallkuçi ishte nën përgjim për lirimin e Saimir Petanit, ajo ka komunikuar me mjekun Prifti dhe i ka dhënë atij para për një operacion jashtë radhe që ai do t’i kryente nënës së saj në QSUT.
Kjo ka bërë që prokurori Albert Dumani të nisë një hetim të veçantë dhe për Priftin dhe në përfundim të hetimeve, ndaj tij të vendoset masa e pezullimit nga detyra.