Mjeku Ilir Alimehmeti tha se kufizimi i masave të reja për parandalimin e përhapjes së virusit COVID-19 në vend nuk mjaftojnë.
Sa i takon transportit publik, Alimehmeti theksoi se nuk duhet të ishte hapur fare, pasi risku i infektimit është shumë i lartë, ndërkohë që i u bëri thirrje qytetarëve që ta evitojnë sa më shumë.
“Nuk ka si mjafton 2 orë nuk janë asgjë. Vendoset në bazë të disa masave më para. Kjo masë do të ketë efekt të vogël. Ajo që mund të ketë efekt më të madh në këtë masë është mbyllja e gjimnazeve, këtu pritet një efekt më i madhe. u la dhe në heshtje pjesa smartworking, puna nga shtëpia. Ato oraret 18:00 me 20:00 do të jenë akoma dhe më të dendura. Një masë e saktë dhe do të kishte efekt madhor do të ishte mbështetja restoranteve dhe lokaleve dhe mbyllja totale e tyre të paktën për 3 javë.
Nuk kemi parë testim masiv të shkollave, duhet një testim masiv që të të shikohet. Duhet të jetë më elegante mbyllja . Një shkollë në qendër të Tiranës nuk krahasohet me rrethinat. Kujdes të gjitha këto diskutime bazohen mbi kapacitetin tonë zbulues të rasteve.
Po ta marrim nga ana e riskut aposlut, transporti publik është i parë. Për mua transporti publik nuk duhet të ishte hapur fare. Ju mund të shihni shumë mirë që urbanët janë të mbipopulluara dhe ekspozimi është i ngushtë. Një maskë nuk zgjidh gjë. Të evitohet sa më shumë që është e mundur transporti publik, njësoj siç nuk duhet të frekuentosh një kafene me shumë njerëz. Kemi numrin më të madh të kafeve për frymë banorësh në botë. Të mbështete transporti publik dhe kafenetë dhe të mbyllen” tha mjeku për Report Tv.