Ndërsa janë më shumë se 100 mijë mërgimtarë të Kosovës që pritet të votojnë nesër në zgjedhjet parlamentare, shumë prej tyre kanë zgjedhur të mos votojnë me postë, por të kthehen personalisht.
Pritet që sot në aeroportin “Adem Jashari” të ulen rreth 29 avionë, të mbushur kryesisht me emigrantë që kthehen në Atdhe për të votuar.
Ndërkohë, sipas autoriteteve nga aeroporti i Prishtinës, do të realizohen 35 fluturime nga shtetet e ndryshme evropiane, me theks të veçantë nga Gjermania, Zvicra dhe Austria.
Në Aeroportin e Prshtinës ka një fluks të madh të mërgimtarëve, që shumica e tyre kanë thënë se kanë ardhur vetëm për të votuar në ditën e zgjedhjeve të Kosovës më 14 shkurt.
Fluturime të shumta do të ketë edhe në ditën e zgjedhjve, (E diel), që sipas zyrtarëve të informimit nga ASHNA-ja do të realizohen 30 fluturime nga shtetet evropiane drejt Kosovës.