Artur Selimaj, drejtori i policisë Dibër, tha për mediat se situata e krijuar nga reshjet e borës është nën monitorim. Ai ju ka rekomanduar drejtuesve të automjeteve të kenë kujdes dhe të përdorin zinxhirë gjatë qarkullimit.
“Janë marrë të gjitha masat nga Policia dhe firmat kontraktore për mbajtjen në gatishmëri të akseve rrugore të Qarkut Dibër.
Nuk kemi bllokime rrugësh dhe shërbimet tona vijojnë normalisht. Fatmirësisht nuk kemi aksidente dhe pengesa për lëvizjen e mjeteve”, theksoi Selimaj.
Ndërkohë bashkitë Mat, Klos, Bulqizë dhe Dibër prej orëve të para të mëngjesit kanë marrë masa, me mjetet dhe fuqinë punëtore që disponojnë, për mbajtjen në gatishmëri të rrugëve rurale.
