Kreu i shtetit Ilir Meta ka dekoruar me urdhrin “Mjeshtër i Madh” filologun dhe historianin kolonjar Jorgji Qirjako në 70-vjetorin e tij të lindjes.
“Në prag të 70-vjetorit të lindjes së tij, pata sot kënaqësinë të vlerësoj me Titullin e lartë “Mjeshtër i Madh”, një personalitet të Kolonjës, me kontribute të spikatura për promovimin e historisë, kulturës dhe traditave atdhetare të kësaj treve dhe jo vetëm, z.Jorgji Qirjako.
Me mirënjohje edhe për ndihmesën e jashtëzakonshme të dhënë në fushën e përkthimit, duke sjellë në shqip autorë të shquar dhe romane të zgjedhura të letërsisë artistike botërore, i urova dekada të tjera me krijimtari këtij “burri të mençur, me kulturë të vërtetë, që ka qenë ngaherë pranë diturisë”, siç me të drejtë e ka cilësuar shkrimtari ynë i madh, Dritëro Agolli”, shkruan Meta.