Partia Demokratike i është përgjigjur ‘flakë për flakë’ kryeministrit Rama, pas publikimit të disa fotove ku tregonte sesi ishte sistemi shëndetësor 7 vite më parë dhe si është sot.
“Do ishte bërë qameti, nëse virusi do kishte sulmuar para 7 vitesh”, shkruante Rama.
Përmes një postimi në rrjetet sociale, PD shkruan se Rama do kishte rikonsteuktuar të gjitha spitalet në vend, me paratë që ka shpenzuar për ‘check up’ korruptiv.
“Me paratë që ka shpenzuar për check up korruptiv, pagesa për analiza fiktive dhe të pakryera, Edi Rama do kishte rikonsteuktuar të gjitha spitalet në vend, do kishte paguar shifrat prej miliona lekësh që paguan shqiptarët për tu trajtuar nga covid 19. Por Ramës nuk i bëhet vonë për shqiptarët. Rama e do mandatin e tretë që të vazhdojë të çojë paratë te ortakët e tij. Shqiptarët nuk mund të pranojnë më një kryeministër që punon për veten e tij. Me 25 prill fiton Shqipëria, humbet Rama”, thuhet në reagimin e PD.