Kreu i PD-së Lulzim Basha i është përgjigjur deklaratave të kryeministrit Edi Rama për emigrimin e shqiptarëve. Ai tha se është në një mendje me Ramën se nuk mund të ndalë emigrimin, pasi sipas Bashës për 8 vit eme radhë ai ka dështuar me parandalimin e këtij fenomeni.
REAGIMI I BASHES
Edi, ti thua se ti nuk ke mënyrë si ta ndalësh emigrimin.
Jam në një mendje me ty, ti nuk ke si ta ndalësh. Për 8 vjet me radhë ti jo vetem ke dështuar në parandalimin e emigracionit, por prej keqqeverisjes tënde ai mbërriti rekorde prej qindra e mijëra shqiptarësh që braktisin vendin.
Po ne e kemi një mënyrë. Ne kemi një plan pune: taksa më të ulëta, thithje të investimeve te huaja, mbështetje financiare për çdo të ri shqiptar që kthehet të punojë e të jetojë në Shqipëri, krijimin e vendeve të reja të punës dhe mbeshtetje e stimulim te sipërmarrjeve të të rinjve.
Më 25 prill shqiptarët do të zgjedhin një qeverisje që do ta nxjerrë Shqipërinë nga balta dhe do të na kthejë të rinjtë në atdhe.
Shqipëria do të fitojë!