Kryeministri Edi Rama ka replikuar me ndjekësit e tij në rrjetet sociale sa i takon vaksinës anti-covid që po aplikohet në vendin tonë, mbi mënyrën se si po ruhet ajo apo dhe nëse ka apo jo efekte anësore.
Teksa të shumtë kanë qenë ata qytetarë që e kanë ‘bombarduar’ me pyetje Ramën, ky i fundit nuk i ka kursyer as ironitë drejtuar skeptikëve apo dhe duke iu përgjigjur akuzave të opozitës.
Pyetjes se ku i kishte gjetur vaksinat anti-covid, Rama ia kthehu me ironi se; “m’i dha Ndrageta po mos e bej muhabet😂”. Ndërkohë, ka pasur dhe nga ata qytetarë skeptikë që janë shprehur kundër bërjes së vaksinës pasi sipas tyre shkaktonin vdekjen, ndërsa kryeministri i është përgjigjur ‘flakë për flakë’ duke shtuar nëse këto lajme i kanë dëgjuar në ‘radion e luftëtarëve kundër Illuminatit’.
