Me të rënë mbrëmja, protestuesit lanë Ministrinë e Arsimit ku nisën të grumbulloheshin prej orës 14:00 dhe marshuan te kryeministria.
Në sofrën e dialogut vendosën disa foto të Edi Ramës e Aleksandër Vuçiçit, që më pas u vunë edhe flakën. Situata aktuale paraqitet e qetë dhe pa ndonjë incident.
Si edhe ditët e tjera, edhe në ditën e 14-të, vijon të ketë prani të protestuesve të maskuar.
Një ditë më parë, protestuesit e nisën protestën e tyre para Ministrisë së Arsimit duke hedhur disa gurë, ndërsa më pas i zhvendosën sulmet në bulevardin para kryeministrisë.
Atje, hodhën gurë, molotovë e fishekzjarrë drejt Kryesisë së Kuvendit e efektivëve, ndërsa kryeministrisë i thyen dritare e ndriçues. Ssulmet e tyre iu drejtuan edhe disa bizneseve e bankave të nivelit të dytë te Kullat Binjake.
Ishte ndërhyrja e policisë me ujë, gaz lotsjellës e spray me piper që solli shpërndarjen e tyre rreth orës 19:30.