“Triumfi i shqiptarëve mbi barbarinë”, kështu e ka kujtuar ish kryeministri, Sali Berisha, ditën e rrëzimit të bustit të Enver Hoxhës. Si sot 30 vite më parë, mijëra qytetarë u ngritën për të shembur simbolin e komunizmit, pak muaj pasi regjimi i vjetër që po jetonte ditët e tij të fundit kishte lejuar pluralizmin politik.
Me anë të një postimi të gjatë në rrjetet sociale Berisha shkruan se 20 shkurti 1991 është dita e ngadhënjimit, e çlirimit të qytetarëve shqiptar nga kulti, adhurimi i përbindëshit të historisë së tyrë kombëtare, Enver Hoxhes.
Teksa kujton 30-vjetorin Berisha ka hedhur edhe akuza ndaj kryeministrit Edi Rama ku shkruan “bastardi i bllokmeneve xhelat të shqiptarëve Edvin Kristaq Rama ka marrë peng Shqipërinë dhe demokracine e saj”.
Ndër të tjera ai i ka bërë thirrje qytetarëve që me 25 prill të votojnë për çlirimin e Shqipërisë dhe fitoren e Partise Demokratike dhe opozitës shqiptare.