Tetë muaj pas ndarjes nga jeta të njeriut të saj më të dashur, babait, Rudina Dembacaj ka zgjedhur ta kujtojë përherë me përqafimet më të ngrohta e plot dashuri pranë tij. Ndonëse në rrjetet sociale Rudina shfaqet përherë shumë e qeshur dhe sportive, në disa momente ka treguar gjithashtu se i ati ka qenë një nga pikat e saj më të dobëta.
“Më mungon”, ka shkruar ajo krah fotos ku shihet duke përqafuar mashkullin më të rëndësishëm në jetën e saj. Ndonëse mungesa është e madhe, Rudina ka treguar se ka arritur ta superojë cdo gjë me forcë dhe duke kujtuar vetëm momentet më të bukura e mësimet më të mira që babai i ka dhënë.