Një përplasje e fortë ka ndodhur ditën e sotme në emisionin “Shihemi në Gjyq”, ku janë përballur me njëri tjetrin Kastriot Hoxha dhe Arben Mata.
Hoxha e ka sjellë në seancën e ndërmjetësimit Matën për shkak të një akti shit-blerje që kanë bërë me njëri tjetrin, ku Kastrioti ka blerë shtëpinë e Arbenit.
Arbeni vetë e ka të dhuruar nga prindërit e tij, por apo shitet kjo banesë në Qershorin e 2019, në Shtator po të këtij viti i vjen një kërkesë padi nga gjykata e rrethit të hapur nga vajza e tezes Aredi Gjika, duke futur të gjithë familjen gjyqësore për të konstatuar të pavlefshme kontratën e dhurimit, kontratën e përpjesëtimit, kontratën e shitblerjes përsa i përket me Kastriot Hoxhën dhe pas 4 vitesh është përfunduar ky gjyq nga gjyqtari Durim Hasa. Ky gjyqtar i ka dhënë të drejtë zonjës Aredi Gjika.
Dokumentet janë në rregull, edhe ato të shitblerjes nga Kastrioti dhe akt-dhurimin kundrejt djalit të tij Arben Mata dhe të shoqes. Sapo ka ndodhur aktshitja, Kastrioti është futur në proces gjyqësor.
Aredia gjatë një telefonate në emision shprehet se ajo ka certifikatën e pronësisë dhe me të drejtë kërkon pronën e saj, ndërsa thotë se certifikata që ka Arbeni sipas saj është e falsifikuar.
Edhe Altini, vëllai i Arbenit shprehet se prona i takon tezes së saj. Arbeni thotë se kjo nuk është e vërtetë dhe ai ka qenë shumë i vogël për të ditur se çfarë ishte prona.
Eni Çobani: Ju keni një vëlla Altinin i cili ka dalë kundër pretendimit tuaj që kjo shtëpi është e juaja. Altin Mata i cili është një nga fëmijët e Arqile Matës thotë që është e vërtetë që këtë shtëpi dhe këtë truall na i ka dhënë tezja, mamaja e Aredisë.
Arbeni: Nuk është e vërtetë zonja Eni sepse ky vëllai kur kemi marrë këtë pronë dhe kemi ndërtuar ndërtesën ky ka qenë n 13 vjeç, nuk e dinte ç’është prona. Ky është një nga personat që kërkon lekë nga ish-prona e babait.
Eni Çobani: Altini pse e ngre këtë pretendim?
Arbeni: Sepse do pjesë nga babai i tij
Eni Çobani: Po ai thotë që nuk është e jotja është e tezes.
Arbeni: Nuk e di ai bie brenda me këmbët e tij. Këtej kërkon nga ne, këtej thotë që është e tezes. Aq më tepër përpjesëtimi i pasurive tregon që unë, Altini dhe të gjithë pjesëtarët e trungut familjar kanë firmosur gjithsecili për pasurinë e tyre.
Në fund të emisionit Kastrioti dhe Arbeni janë përballur në një debat shumë të fortë, ku Kastrioti i kërkon që të gjejë një zgjidhje ose t’i kthejë 30 milion lekët që i ka dhënë për shtëpinë sepse ai është lodhur nga gjyqet. Situata ka agravuar duke e kërcënuar Arbenin duke i thënë se do i hajë gurmazin.