Parlamenti diskuton për integrimin e vendit në Bashkimin Europian, ku pas fjalës së ministres së Jashtme Olta Xhaçka ka folur dhe deputeti i opozitës parlamentare Ralf Gjoni.
Për këtë të fundit, intgrimi në BE është jën fabul e ngecur në rrjet. “Integrimin tanë këta bajraktarët e kanë kthyer në një ëndërr imagjinare. Në fillim ishte një ëndërr e përbashkët, u trajtua si aspirat për 30 vite, dhe sot kush ka dy pare tru e di shumë mirë se integrimi është një përrallë, një fabul imagjinare, që vetëm njerëzit me aftësi të kufizuara apo fëmijët mund ta besojnë”, tha ai.
Me kritika Gjoni ishte dhe ndaj Këshillit të Integrimit. “Ky Këshilli i Integrimit mua më duket si ai filmi “Taulanti kërkon një motër”. E mban mend Myslim se si u krijua ky këshilli. Po si mund të talleni kështu? O cfarë gallate! O Zot i madh! Këshilli Kombëtar i Integrimit, që është kot. Mua më duket si ai këshilli i 5 qershorit. Hajde gallatë hajde. Kjo është të vësh duart në kokë dhe të ulërasësh. Mua më dhemb, kur shoh se si klasa politike tallet me aspiratën e popullit shqiptar. Integrimi është një fabul e ngecur në një rrjetë, e thurur me katër fije. Fija e parë është refuzimi i BE për të zgjeruar bashkimin, për ta zgjeruar kudo, sidomos drejt Ballkanit Perëndimor. Ne duhet t’i themi shqiptarëve të vërtetën, BE nuk ka oreks për zgjerim, ndaj dhe kjo fabul do të zgjatet për vite me radhë. Nga 5 shkoi në 15 kushte, të siguroj Oltë e dashur se gjatë mandatit tënd do shkojë në 150 kushte. Fija e dytë janë grupet kriminale, që influencojnë politikën dhe që do të ushtrojnë influencë edhe në zgjedhjet e 25 prillit”, vijoi Gjoni.