Marrëdhëniet mes Greqisë dhe Shqipërisë prej më shumë se një shekulli kanë pasur ulje-ngritjet e veta, që shpesh herë tensionoheshin qoftë në nivel politik dhe diplomatik, por edhe mes popujve kufitarë.
Në dokumentet e viteve ’30 që tashmë janë online nga MEPJ, duket qartë përpjekjet e Greqisë që u shënonin në pasaporta në vendin nënshtetësi fjalën Elin apo Vorio-Epir.
Ish diplomati shqiptar i atyre viteve në Athinë, Rauf Fico njofton autoritetet shqiptare për këto raste dhe takimin me nënministrin e Jashtëm të Greqisë, Mavrudi, të ciliti i kërkoi të hiqej ky cilësim.
Sipas dokumenteve, autoritetet policore greke në radhën ku shënohej nënshtetësia e shqiptarëve orotodoksë shënonin fjalën vorio-epir, por situta ndryshoi kur ministri fuqiplotë në Athinë shkoi Fico. Me këmbënguljen e tij tek autoritetet greke, ai kërkoi ndalimin e këtij veprimi, e falë kësaj përpjekje, autoritetet greke nisën të shënonin edhe fjalën shqiptar.
“Mbi këtë proponim i thashe z. Mavrudiut se nuk do të pranojsha kur se si që me radhën e kombësisë të shënohej feja por dojsha që të veproej po n’atë mënyrë që veprohet për frëngjet, gjermanët, e të tjerë dhe i tërhoqa vërejtjen mbi mendimet e turbullta që ushqen ky drejtor”, njofton Rauf Fico autoritetet shqiptare.
Drejtori për të cilën flet Fico është z. Filoni, i cili argumentonte këtë veprim se duhej të shënohej edhe feja e mbajtësve në leje banimet e dokumente të tjera që lëshohen.
