Autoritetet duhet të tregohen shumë vigjilentë në lidhje me këtë situatë pandemia që po kalon bota, pasi kjo po krijon një hapësirë të madhe për mafiet në sektorin e shëndetësisë, sipas DIA.
Gjithashtu departamenti i Hetimit të Anti-mafies italiane është shprehur se duke shfrytëzuar ketë mundësi klanet e mafies synojnë të kapin fondet kryesore, veçanërisht në ekonominë e gjelbër dhe shëndetësi.
Dia ngre alarmin në lidhje me këtë situatë duke bërë thirrje që autoritetet të tregohen vigjilente në lidhje me këtë situatë.
“Pandemia e Covid-19 sjell mundësi të mëdha për mafiat. Kamuflimi përmes “fytyrës së pastër” të sipërmarrësve dhe profesionistëve të pavarur është strategjia e ndjekur nga mafia”, thuhet në raportin e Dia, ndërsa thekson se është një alarm shoqëror: “Raportet e transaksioneve të dyshimta të marra nga Menaxhmenti janë rritur në krahasim me të njëjtën periudhë të vitit 2019”, shton më tej raporti.
Sakaq hetimet flasin për një krim të organizuar që është shtrirë gjerësisht në aktivitete që gjenden fillimisht në vështirësi ekonomike, shkruajnë mediat e huaja.