Policia e Tiranës ka dhënë detaje të reja lidhur me ngjarjen e rëndë regjistruar mëngjesin e sotëm afër qendrës së kryeqytetit.
Sipas policisë ai është gjetur i plagosur në trotuar rreth orës 09.00 dhe është dërguar në spital po nuk i ka mbijetuar plagëve të mara.
Tiranë/Informacion paraprak
Me datë 25.02.2021, rreth orës 09:00, në trotuar në afërsi të Piramadës është konstatuar nga sherbimet e Policisë shtetasi B. S., 66 vjeç, i shtrirë në tokë, dyshohet i plagosur me armë zjarri në rrethana ende të paqarta, i cili është transportuar menjëherë në spital për ndihmë mjeksore ku dhe ka humbur jetën si pasojë e plagëve të marra.
Menjëherë në vendngjarje kanë shkuar forca të shumta policie, të cilat kanë rrethuar zonën, me qëllim kapjen e autorit.
Janë ngritur pika kontrolli në të gjitha akset rrugore dhe vijon puna nga grupi hetimor, për sqarimin dhe dokumentimin e plotë të rrethanave të ngjarjes.