Gazetari Adrian Thano fajësoi shumicën dhe opozitën, që në kushtet e mungesës së humanizmit të botës dështuan të gjenin solidaritet brenda vetes për arritjen e një strategjie të përbashkët për të përballuar situatën nga koronavirusi.
Drejtuesi i emisionit “As pro, as kundër” Robert Aliaj teksa komentoi premtimet e Lulzim Bashës, replikoi me përfaqësuesen e PD-së në studio Liljana Ramasaço, e cila tha se kryedemokrati propozoi planin me 5 pika për krizën, që qeveria e refuzoi.
Pjesë nga debati në studio
Adrian Thano: Do ishte mirë që duke qenë se jemi në një situatë të tillë përballë kësaj situate jo humaniste të botës ndaj ndesh do të ishte mirë të gjenim pak solidaritet brenda vetes, por për fat të keq si opozita dhe qeveria treguan se janë të paafta për arritjen e një strategjie të përbashkët edhe në këtë temë e cila ka të bëjë me shëndetin e të gjithëve edhe me shëndetin e tyre, edhe pse ata jetojnë në pallate dhe populli në kasolle.
Ata zgjodhën teatrin e konfliktit politik. Argumentet e opozitës janë të drejta, por edhe nëse do të ndryshonin rolet dhe do ishte në qeveri sikur ka qenë më parë kjo opozitë, jam i bindur që retorika do të ishte e njëjtë, jam 100% i bindur.
Liljana Ramasaço: Zoti Basha ka propozuar një plan me 5 pika, futja në lojë e mjekut të familjes, do të mundësonte që shumica e njerëzve ta kalonin me lehtë këtë epidemi.
Robert Aliaj: Konkretisht, se premtimet e Bashës janë tmerrësisht të ekzagjeruara, unë që nuk merrem me politikë fare i kam dhënë pak kohë vetes ta ndjek se më duhet për këto debatet dhe shoh që ka jashtëzakonisht shumë flluskë, thotë gjëra të ekzagjëruara, që unë si piktor e di shumë mirë që po erdhi në pushtet nuk bën dot gjë. Se nuk bëhen dot.
Liljana Ramasaço: I ka thënë konkrete, nuk i ka thënë fare të ekzagjëruara.
Robert Aliaj: Konkrete i themi të gjithë edhe kur të marrim pushtetin, edhe Hitleri e mori pushtetin me fjalime konkrete, por e mori pushtetin dhe bëri atë që bëri.