Shkolla 9-vjeçare dhe kopshti “Kastrioti” në Derven të Krujës është rindërtuar pasi u shkatërruar nga tërmeti i fuqishëm i 26 nëntorit.
Kryeministri Edi Rama ka bërë publike pamjet e shkollës 9 vjeçare ku duket se ambienti është bërë gati për nxënësit dhe mësuesit.
Me anë të një postimi në Facebook, Rama shkruan: “Kjo është shkolla 9- vjeçare dhe kopshti “Kastrioti” në Derven të Krujës më e madhe, më e bukur edhe më e fortë.
Puna po vijon përditë, në kantiere me cilësi shembullore, ku punohet me orë të zgjatura e ku po marrin formë godinat e pakrahasueshme me ato që shkatërroi tërmeti. #SkaKohëPërPushim”.
