Ministria e Brendshme bën të ditur se zyrat e aplikimit për pasaporta do të jenë të hapura dhe këtë të shtunë duke u bërë thirrje qytetarëve që u ka mbaruar afati i vlefshmërisë së dokumenteve biometrike që të aplikojnë.
NJOFTIM – ZYRAT E APLIKIMIT PËR ID KARTA E PASAPORTA TË HAPURA EDHE KËTË TË SHTUNË
Ministria e Brendshme njofton qytetarët se të gjitha zyrat e aplikimit për ID karta dhe pasaporta biometrike do të jenë të hapura edhe sot, datë 27 shkurt 2021.
MB dhe DPGJC fton qytetarët që u ka përfunduar afati i vlefshmërisë së kartave të identitetit, të kryejnë sa më parë procedurat për rinovimin e saj. Përmes ID kartës përfitohen shërbime online dhe fizike, por edhe mundësinë për të votuar në zgjedhjet e 25 Prillit.
Rikujtojmë se riaplikimi për ID kartë mund të bëhet në çdo zyrë, pavarësisht vendbanimit. E gjithë procedura merr pak minuta. Mjafton kuponi i blerë në Postë dhe të paraqitja në zyrën e aplikimit me ID kartën e skaduar.