Vizitë suprizë e ministrit të Brendshëm në Dibër

Ministri i Brendshëm Sandër Lleshaj ishte sot pasdite për një takim me strukturat e Policisë të Qarkut Dibër. Mësohet se ai është pritur nga drejtori i Policisë për rrethet Dibër, Mat e Bulqizë, Edmond Tarkaj. Kryefjala e takimit të zhvilluar me shefat e komisariateve dhe të postave të Policisë Klos, Martanesh e Maqellarë ishte situata e rendit në këtë rajon si dhe marrja e masave për festat e fundvitit. Lleshaj kërkoi angazhim maksimal nga vartësit e tij për mbajtjen nën kontroll të situatës kriminale, kontrollin e rrugëve nacionale nga Miloti deri në Kukës, mbajtjen nën mbikqyrje të elementëve kriminalë, ruajtjen e rendit gjatë natës së ndërrimit të viteve etj. / P. Hasa /