Këtë të hënë Komiteti Teknik i Ekspertëve do të mblidhet sërish për të shqyrtuar situatën e COVID-19 në vend dhe pritet të marrë një vendim nëse do të ketë kufizime të mëtejshme për shkak të pandeminsë.
Në mbledhjen e fundit, të premten e shkuar Komiteti Teknik vendosi të mos aplikojë asnjë masë shtesë, apo të mos përforcojë masat aktuale, ndonëse shifrat vijojnë të jenë të larta, por për Komitetin janë të qëndrueshme.
Ndonëse nuk dihet se çfarë vendimi do të marrë Komiteti Teknik sot, ndër masat që mund të preken janë transporti publik, kalimi i shkollave online, baret dhe restorantet, si dhe fasha e orarit të karantinës që aktualisht është në 20:00.
Ndërkohë vijojnë të jenë në fuqi masat kufizuese:
-Ndalimi i qarkullimit të lëvizjes për qytetarët nga ora 20:00 e mbrëmjes – 6:00 të mëngjesit, me përjashtim të emergjencave shëndetësore dhe për arsye pune.
-Nisur nga rritja e rasteve të infektimeve të reja në grupmoshën 15-24 vjeç, shkollat e mesme në qytetet që janë vatra infeksioni vijojnë me skenarin e tretë, pra atë online ne zonat e riskut të lartë. Mësimi vijon të jetë online në universitete.
-Fluturimet me Britaninë e madhe janë të pezulluara.