Tea dhe Bearti mbrëmjen e kaluar u shprehën përmes një bisede virtuale me ndjekësit e tyre se kanë vendosur që lidhjen e tyre ta shijojnë larg mediave.
Ndërkohë, burime pranë revistës “Who” bëjnë të ditur se çiftin do ta shohim bashkë për herë të parë në ekran në programin ‘Dua të bëj të lumtur’. Akoma nuk është bërë e ditur arsyeja pse ata do të jenë pjesë e këtij programi dhe se çfarë duan që të ndajnë me publikun, por është e sigurt që vëmendja dhe kurioziteti për këtë shfaqie të tyre të parë së bashku, do të jetë tejet i madh.
Ata nuk fshihen më nga publiku dhe e kanë zyrtarizuar në njëfarë mënyre lidhjen e tyre në rrjete sociale, duke ndarë herë pas here momente së bashku. Së fundmi, Tea lejoi ndjekësit t’i bënin disa pyetje në Instagram, përmes rubrikës “Ask me a question”. Dikush e pyeti ish-konkurrenten e “Për’puthen”:
“Çfarë është ajo që të pëlqeu më shumë te Bearti dhe të fitoi si femër?”
Përgjigjja nuk mungoi:
“Një korrigjim, e kam zënë unë se ky kishte turp, po, kishte turp nga unë”, u shpreh Tea, teksa Bearti, i zënë ngushtë, përpiqet ta kundërshtojë.
Duket se ata po e shijojnë lidhjen e tyre të dashurisë, pas skandalit të madh të romancës qëi bëri kryefjalën e mediave gjatë këtyre ditëve.