Kryetarja e LSI-së Monika Kryemadhi është shprehur se marrëveshja e sotme e nënshkruar mes PD-së dhe LSI-së, i ka hequr të drejtën Ramës për të dalë i pari në zgjedhje.
Sipas saj, kryeministri Rama nuk do të ketë mundësinë të dalë as i katërti në zgjedhjet e 25 prillit, ndërsa shtoi se garuan në dy lista të ndara për t’u dhënë mundësi më shumë të rinjve dhe të rejave për t’u përfaqësuar.
E pyetur nëse do të bënte koalicion me Ramën, ajo tha:
‘Sot është ditë historike, për herë të parë ka qenë një marrëveshje mes një partie të majtë dhe një të djathtë. Ky është një unifikim politik. Ka edhe harmonizim të prigrameve tona. Respektojmë shtyllat themelore të të dyja partive. Ne jemi për taksën 9% por do t’i shtojmë edhe 5% e rimbursimit. Edi Rama e ka mbaruar leximin e fatit të tij për hir të së vërtetës. Është koha të dalë në pension dhe të vazhdojë të shijojë hobin e tij.”, tha Kryemadhi në ‘Opinion’.