Një grua 69-vjeçare ka humbur kujdestarinë e binjakëve që lindi në moshën 64 vjeç pasi gjykata më e lartë e Spanjës vendosi që ajo ishte e paaftë për t’i mbajtur.
Gjykata e Lartë Spanjolle mbështeti një vendim të 22 Prillit 2020 për heqjen e fëmijëve nga ajo, dhënë nga Gjykata Krahinore e Burgos, e cila zbuloi se për binjakët nuk po kujdeseshin në “mënyrën më optimale të mundshme.”
Vendimi i Gjykatës së Lartë të hënën i jep fund një beteje katër-vjeçare ligjore nga gruaja, Mauricia Ibanez, e cila lindi binjakët – Gabriel dhe Maria de la Cruz – në 2017.
Gjykata zbuloi se binjakët ishin “në një situatë të dukshme të cenueshmërisë” për shkak të paaftësisë së nënës së tyre për t’u kujdesur për ta si duhet ose për të bashkëpunuar me shërbimet sociale.
Vendimi u bazua në ‘vlerësimet e ekspertëve’, jo në moshën e gruas ose shëndetin mendor, tha gjykata, pa dhënë më shumë detaje.
Një raport i lëshuar nga Gjykata Krahinore e Burgos në kohën e marrjes së vendimit fillestar, citonte: “tiparet e personalitetit të nënës ndikuan ndjeshëm në zhvillimin afektiv dhe psikosocial të të miturve.”
Ai shtoi se marrëdhëniet familjare “jo-ekzistente”, izolimi dhe mungesa e një rrjeti shoqëror mbështetës ishin gjithashtu shqetësuese.