E shtuna do të nisë me reshje shiu në pjesën më të madhe të vendit bën të ditur Shërbimi Meteorologjik Ushtarak.
Madje në lartësitë mbi 800 metra do të ketë edhe reshje të dobëta bore. Ndërsa dita e diel parashikohet me alternime kthjellimesh dhe vranësira.
PARASHIKIMI I SHMU
Dita e shtunë do të nisë me mot të vranët e reshje shiu me intensitet të ulët në pjesën më të madhe të vendit. Gjatë ditës gradualisht vranësirat do të përçahen duke i lënë vendin kthjellimeve, reshjet e shiut do të mbeten prezente të herëpasherëshme me intensitet të ulët të karakterit lokal deri në orët e pasdites më pas ndërpriten. Në lartësin mbi 800 mertra ne veri-verilindje dhe në lartësin mbi 1100 metra në juglindje reshje të dobta bore.
Dita e diel parashikohet të ketë mot me alternime kthjellimesh dhe vranësira këto më të përqëndruara përgjatë relieveve malore. Në jug-juglindje vranësirat do të pasohen nga reshje lokale shiu në orët e pasdites.
Era parashikohet nga kuadrati i veriut me shpejtësi mesatare 1-6m/sek, e cila hera-herës përgjatë vijës bregdetare fiton shpejtësi deri në 10-12m/sek. Deti i forcë 1-2 ballë.