80-vjeçarja, Luleta Katazi, e njohur ndryshe si nëna Lule, ishte e ftuar ditën e sotme në emisionin “Shqipëria Live”. Ajo tregoi shumë histori nga jeta e saj dhe foli mbi peripecitë që ka ndeshur në jetë si dhe përjetimet e saj gjatë periudhës së komunizmit në vend.
Ajo rrëfeu gjithashtu edhe për kohën e fëmijërisë së bukur që ka jetuar dhe bëri një paralelizëm me ditët e sotme.
Nëna Lule tregoi si e shikon ajo me syrin e saj Tiranën dhe njerëzit. Ajo rrëfeu se është shumë e njohur në Kosovë pasi udhëton shpesh atje dhe i vuri në krahasim të dy vendet.
“Shkoj shpesh në Kosovë se ndihem mirë. Atje njerëzit janë më të mirë se këtu. Tani në Tiranë nuk ka më vendas, kanë ardhur shumë. Nuk ka më tiranas, por ka Tiranë. Nuk ke më afrimitet si dikur”, tha nëna Lule.
Luleta ndër të tjera u pyet se si i shkon të rinjtë e sotëm dhe çfarë nuk u pëlqen tek ato.
“Si të vjen kur shikon një femër të hallakatur, të zhveshur fare, ka norma njeriu. Djemtë janë marshalla, nuk janë hallakatur ashtu. Të them marshalla se për Zotin edhe unë eksitohem kur shoh femra lakuriq, është normale. Është jashtë rregullave njerëzore”, u shpreh 80-vjeçarja.
Nëna Lule tregoi gjithashtu se përdor edhe rrjetet sociale si “Facebook”, por ende nuk ka hapur “Instagram”.